现年39岁嘅黄翠如2012年转投无綫电视，同年7月开始拍摄剧集，拍旅游节目而为人所认识嘅佢喺电视剧发展并唔顺利。拍下多部剧集嘅佢演技一直都备受批评，其中《幕后玩家》中嘅演出，被网民CAP低佢演绎多个情绪时都係得一个表情，被大弹演技差劣。翠如为此曾停止拍剧两年，并观看大量电影以改善演技。
2020年，黄翠如在《那些我爱过的人》中饰演丧夫兼要独力照顾两个小朋友的妈妈「方乐汶（Laura）」一角，被观众指演技开始有改善。近日播出嘅剧集《七公主》黄翠如「越级挑战」饰演大律师兼大家姐「顾灵珊（Alison）」，角色性格硬朗狠辣，形象专业又予人冷冰冰嘅感觉，网民再次一面倒批评黄翠如演技，认为佢驾驭唔到呢个角色，尤其是打官司戏份，批评黄翠如只懂瞪大对眼同用气声讲对白，浮夸造作、懒音多。指佢全程都係得「黑口黑面」一个表情：「顶唔顺黄翠如把声，好造作，over晒」、「以为擘大对眼冇表情讲对白就係Cool」、「一见到佢就想转台」、「feel唔到黄翠如想表现嘅霸气，只係黑口黑面」、「黄翠如演得太用力扮cool，面瘫咁」、「黄翠如不如都係拍番旅游节目啦」等等。
其实黄翠如为咗呢个演活角色下咗唔少苦功，刻意减十几磅为嘅都係想自己有一种刻薄嘅感觉，至于有冇用错力就真係见仁见智，翠如曾经喺社交平台分享:
「那时候的顾灵珊，
比平常的我轻了10多磅。
减重，
是因为想整个人有一种刻薄的感觉，
同时在拍摄的几个月，
也是这带一点病态的体重，
给顾灵珊一种濒临边缘的意识，
享受踩钢线上的孤风，
也没有向下的退路，
命运，
早已为她选择好。
讽刺的人生，
发生在她身上，
同时也发生在很多人的身上。」
相反，早翠如两年开始拍剧嘅高海宁（高 Ling）表现就得到观众认同，大讚佢嘅演技有好大进步！选美出身嘅高 Ling几年前决定封胸唔再刻意露肉，不过收起最煞食武器，亦要捱过低潮。据知高 Ling唔想再卖弄身材初期都受尽冷眼，被人质疑佢唔卖身材就冇睇头，工作量都少咗。不过高 Ling好努力用心揣摩每个角色，希望用演技去被人肯定，近年佢演技都开始得到认同，多咗好多演出机会！
高海宁喺《七公主》中演黄翠如妹妹，剧中演货Van司机的高Ling，为剧中粗鲁角色将头髮剪得更短，更为角色扎胸上阵。高Ling好友曾透露佢高Ling以前好贪靓，唔锺意演丑角，但近年开咗窍，觉得最紧要角色有发挥。《七公主》监制同高Ling讲角色要好麻甩，叫佢剪男仔头，又提议佢扎胸以免出身材太突出唔够Man，高Ling都一口答应。高Ling以前曾经喺访问被问到会否扎胸拍古装片，当时高Ling扬言怕扎到个胸变形拒绝。依家嘅高Ling为事业牺牲，相信观众对佢嘅讚赏係最大嘅回报！